EU projektscha

I Roma VHS aktiv use ERASMUS+ projektscha and pe bescharel, la socijali inklusijonake le Romendar taj Romnjendar upro europitiko than te pomoschinel. Duach mindenfelitike projektscha o schajipe dim ol, sikadipe, interkultureli arparujipe taj o siklipe neve fochiskere dschaniptschendar le pedagogischi dschenenge te soraljarel.

Jek centrali pharipeskero punkto la Roma VHS-atar use adala projektscha upro internacijonali khetan butschalinipe avre Romengere-organisacijenca paschlol. Adala koperacijontscha o schajipe den, and bescharde praktiki ar te parul, jek le avrestar te siklo taj khetan strategiji uso feder keripe le dschivipeskere situacijendar taj le sikadipeskere schajiptschendar le Romengere-tschulipestar te entviklinel. Duach o fanecinipe upro europitiko than, neve koji pomoschago schaj uschtiden, save uso soraljaripe la Romengera-identitetatar taj uso bekejmpfinipe la diskriminacijatar, le sterejotipisirinipestar taj le teldikipestar, use ledschen.